Sinds e paar maond gief ‘t discussie euver e nui Limbörgs taolbeleid. De Provincie Limburg heet de Raod veur ‘t Limburgs gevraog ‘n nui visienota veur te lègke. De vraog is of ‘n wijer erkinning vaan ‘t Limburgs nao Fries model moot koume óf ‘n taolbeleid op basis vaan ‘nen door de Nederlandse euverheid aongebooje convenant? Sinds 1997 is ‘t Limburgs door de nationale euverheid erkind es regionaol taol oonder ‘t Europees Handves veur regionaol taole en taole vaan minderhede (Handves). Allein veur ‘t Fries heet de Nederlandse euverheid ziech draon geboonde um de rechte en verpliechtinge oet Deil III um ‘t gebruuk in ‘t openbaar leve te stiepe. Zoonder juridische aofspraoke oontbrik ‘t aon aofdwingmeugelekhede via ‘t nationaol rech zoetot de euverheid ziech aon die aofspraoke hèlt. Dit convenant is driefzand, umtot ‘t Limburgs taolbeleid daomèt aofhenkelek weurt vaan de polletieke wèl vaan wisselende regeringscoalities en de oonveurspelbaar hajding vaan de euverheid.
Dit artikel is op z’n Nederlands en Limbörgs.
