Limbörgs Toetsebord

Wat is ’t?

’t Limbörgs toetsebord is gratis en wèrk op mobiel applicaties (allein Android). Geer kint heimèt gawwer en gemekeleker eur Limbörgs dialek tekste, sms-e, emaile, WhatsAppe, Facebooke, enzoewijer. Swiftkey heet emojis gekoppeld aon Limbörgse wäörd en stickers.

Wat deit ’t?

Mèt ’t Limbörgs toetsebord kint geer eur dialek type, of dat noe Assers, Echs, Gènks, Mestreechs, Mezeiker, Wieërts of Zittesj is. Swiftkey liert vaan uuch en beujt uuch eur spelling, dialek en woordcombinaties aon.

Gebruukstips

Apostrofes (’) en accente weure vaanallein drin gezat. Typ e woord dezoonder en daan ’n spatie, wie beveurbeeld:

Typ veur ’t: t spatie. Dit ouch veur ’ch ’m ’n ’ne ’nen ’ns ’r ’re ’ren ’rs ’t.

Typ veur d’n: dn spatie. Dit ouch veur d’ch d’n d’ne d’nen d’r g’r m’ch m’n m’ne m’nen v’r z’ch.

Typ veur väöl: vaol spatie. Dit ouch veur wäörd mèt lètters mèt de accente è ö ó.