Privacy

Dees website weurt gehost in the Vereinegde Staote vaan Amerika door ’t ibiblio-nètwerk vaan de University of North Carolina en is in eigendom vaan de Stiechting Limbörgse Academie, een stichting oonder Nederlands rech mèt zetel in Mestreech (Limbörg), Nederland.

De Stiechting Limbörgse Academie nump de privacy vaan gebrukers vaan de website zier serieus, umtot veer weite tot Eur privacy op ’t internèt veur Uuch belankriek is. Daorum is de besjerming vaan Eur persoenleke informatie ouch veur de Stiechting Limbörgse Academie uters belankriek. Veer kinne e-posadresse biejeinzeumere vaan deginnege die us beriechskes sjikke, meh veer zölle dees adresse neet deile mèt inneg aander bedrief of instantie, oetgezunderd oonder de umstandeghede wie hei-oonder oetgelag.

De Stiechting Limbörgse Academie heet algemein geaccepteerde technologische standerds en beveileging ingeveurd veur Eur persoenelek identificeerbaar informatie te besjerme tege verlees, misbruuk, verandering of verneteging. Allein bestuursleie of kemissieleie vaan de Stiechting Limbörgse Academie höbbe otorisatie veur touwgank te höbbe tot persoenelek identificeerbaar informatie en zien gehawwe dees informatie es privé te behandele. Oondanks dees veurzörgsmaotregele kint de Stiechting Limbörgse Academie evels neet waorbörge tot neet-competente persoene z’ch touwgank tot Eur persoenelek identificeerbaar informatie weite te versjaffe.

Es G’r informatie vaan de Stiechting Limbörgse Academie vreug en G’r gef us daobij informatie boemèt Geer Uuch persoenelek bekint maak, zoetot veer kontak mèt Uuch kinnen opnumme, daan stump G’r demèt in dees informatie te deile mèt de Stiechting Limbörgse Academie, häör bestuursleie en kemissieleie. De Stiechting Limbörgse Academie kint dees persoenelek identificeerbaar informatie biejeinzeumere en dees in biejeingezeumerde vörm veur marketing en promotiebute gebruke. Veur dees bute zölle veer evels neet die informatie die Uuch persoenelek identificeert bekindmake.
Veer kinne cookies gebruke en bepaolde soorte vaan informatie vaan Eure web browser verkriege es G’r touwgank tot euzen url zeuk. Cookies zien klein stökskes informatie, die door Eure browser op de hel sjijf vaan Eure computer weuren opgeslage. Eus website kint cookies en aander technologie gebruke veur oonder ’n gebruukssessie rillevante informatie op te sloon veur zoe de navigatie gawwer te laote goon, sommege items nao te goon en anoniem bepaolde traffic data biejein te zeumere, boemèt v’r eus site versterke veur marketing- en intern bute. De Help-knóp op d’n toolbar vaan de meiste browsers kint Uuch veurliechten euver wie-t G’r kint veurkoume tot eure browser nui cookies accepteert, wie-t G’r beriech kint weure es G’r nui cookies oontvingk en wie-t G’r dees cookies gans oonbruukbaar kint make. Veer kinne persoeneleke informatie besjikbaar make es v’r daodoor bij wèt verpliech weure of in de gooj veroonderstèlling tot dit nudeg is veur: (1) eus te veuge nao de wèt of ’ne rechsgank boe-aan veer oonderworpe weure, (2) eus rechten en euzen eigendom of die vaan eus gebrukers te besjerme en diffendere of (3) eus persoenleke veilegheid, die vaan eus gebrukers of de openbaar veilegheid te diffendere. De Stiechting Limbörgse Academie wèlt Eur persoeneleke informatie perceis hawwe. Daorum liet de Stiechting Limbörgse Academie touw tot G’r Eur persoeneleke identificeerbaar informatie, die veer biejeingezeumerd höbbe, kint verandere, door te kinne antwoorden op eder e-posberiech vaan de Stiechting Limbörgse Academie.